Elida co ’94 e para shoqëri me nje autoritet dhe prestigj ndërkombëtar në fushën e realizimit të expo-panaireve, me një infrastrukturë organizative të ngritur dhe një eksperiencë organizimi të dhjetra panaireve ndërkombëtare, kombëtare dhe lokale.
Me realizëm dhe maturi Elida Co ‘94, po përshtatet gjithmonë e më shumë me konceptet e reja të funksionimit, për t’u përballur me sfidat e kohës dhe për të formuar një identitet të ri të kompanisë, që do ta ndihmojë atë, të qëndrojë e fortë në situatat e reja të zhvillimeve të shpejta ekonomike kombëtare e ndërkombëtare. Ky identitet po formohet mbi parimin e bashkëpunimit, punës sistematike, efiktivitetit, komunikimit dhe korrektësisë si ndaj shtetit, ashtu dhe ndaj bashkëpuntorëve vendas dhe të huaj.
Elida Co ‘94 ka mbështetur çdo nismë, për krijimin e një politike ekspozimi integruese me fqinjët dhe me Bashkimin Evropian duke punuar njëkohësisht për krijimin edhe të një tradite kombëtare. Sot, roli i shoqërisë Elida Co ‘94 është i përcaktuar nga vetë funksioni i saj, si një instrument i fuqishëm i promovimeve të zhvillimeve ekonomike të vëndit, i futjes në vend te elementëve te rinj modernë në favor të zhvillimit si dhe çelës suksesi për bisnesmenet. Elida Co ‘94, është një partnere serioze dhe e sigurtë për bashkpuntorët e saj. Ajo ka marrëveshje bashkëpunimi me shumë subjekte publike dhe private, të vendit dhe të huaja. Kështu ajo bashkëpunon me Dhomat e Tregtisë së Durrësit, Elbasanit, Korçës, Gjirokastrës etj., si dhe ato jashtë Shqipërisë si Kosovë, Janine, Shkup, Selanik, Stamboll, Mali i Zi, Itali etj., Me qendrën e Organizimit të Panaireve në Selanik, HELEXPO, OCTANORM, etj.
Elida Co ‘94, krijon mundësi të medha bashkëpunimi me mijra ekspozues dhe vizitorë aktivë tregtarë nga vendi dhe bota. Panairet e saj përbëjnë ngjarje të mëdha tregtare dhe ekonomike me reputacion. Falë eksperiencës së fituar në vite, aftësive menaxhuese të stafit drejtues, informacionit sistematik, infrastrukturës organizative dhe asaj teknologjike të kohës, ajo ofron organizime të suksesshme, duke filluar me inskenimin e siperfaqeve të mbyllura dhe të hapura, shërbimet në fushën e reklamës, shtypit, filmit dhe fotografisë shërbimet spedicionere, doganore, akomoduese, turistike si dhe një sërë aktivitetesh dhe promovimesh në fushën e kulturës e artit e në mënyre të veçante në fushën e biznesit.
Elida Co ‘94 është sot çelës suksesi në biznesin tuaj. Eshtë kështu sepse infrastruktura e saj organizative përmban të gjithë elementet e domosdoshëm për plotësimin e çdo kërkese që ju parashtroni. Si ekspozues ju mund të kërkoni aplikime si, sistem ndriçimi,vitrina,ndërtime të veçanta stendash, mjete shkarkimi, aranxhim etj

 

<<kthehu prapa